كود الدخول ما وصلش
لو بتدخل بالإيميل، بص في السبام. لو بالتليفون، اتأكد إن الرقم متسجّل عندنا بالظبط زي ما كتبته. الكود صالح ٥ دقايق، وبعد ٣ محاولات في ١٠ دقايق استنى شوية.
الدعم
محتاج مساعدة؟
إحنا اللي ركّبنا البرنامج في محلك، وإحنا اللي هنرد عليك. كلّمنا بالطريقة اللي تريحك.
واتسابأسرع طريقة. ابعت صورة من الشاشة لو فيه مشكلة.كلّمنا على واتسابتليفونلما المشكلة عاجلة والمحل شغّال دلوقتي.0100 000 0000اتصل بيناإيميلللطلبات اللي مش مستعجلة: بيانات جديدة، حساب موظف، سؤال عن الفاتورة.hello@ayarly.appابعت إيميل
مواعيد الرد
السبت لحد الخميس، من ١٠ الصبح لحد ١٠ بالليل. لو المحل واقف بسبب البرنامج، ابعت على واتساب في أي وقت وهنرد بأسرع ما يمكن.
اكتبلنا معاها
- اسم المحل واسمك.
- إيه اللي كنت بتعمله وإيه اللي حصل، وصورة من الشاشة لو ينفع.
- رقم الفاتورة لو الموضوع عن فاتورة معيّنة.
حلول سريعة
الفاتورة اتكتبت والنت فصل
عادي. الفاتورة محفوظة على الجهاز وبتترفع لوحدها أول ما الخط يرجع. العدّاد اللي فوق بيقولك كام فاتورة لسه مستنية.
الطابعة مش بتطبع
اتأكد إن الطابعة على نفس الواي فاي بتاع الجهاز، وإن فيها ورق A5. لو لسه، اقفلها وافتحها وجرّب تاني، وبعدها كلّمنا.
عايز أضيف موظف أو أغيّر صلاحياته
صاحب المحل بيقدر يعمل ده بنفسه من شاشة «الموظفين» في البرنامج. لو مش لاقيها، معناها إن حسابك مش صاحب المحل، كلّمنا.
سؤالك عن بياناتك؟ كل حاجة مكتوبة في سياسة الخصوصية.